SpeakOut 2: Landi Mo Kuya! Sumbong Kita Kay Mommy!

–Denonyms–

Entertain/Nag-eentertain - Dentimestwo’s world this also means to flirt with a person by any means of language; by using sign language, actions or by speaking or talking or even just joking in a flirting manner.

***

Ang maikling kwentong inyong matutunghayan ay pawang kathang-isip lamang. Kung ito man ay may pagkakahalintulad sa inyong buhay.. aba eh malay ko na sa inyo! ahaha.. Umilag ka na lang para di ka masapul. ahaha!

***

Rhina: (kararating lang sa bahay at may dala-dalang bwisita ay este bisita pala) Boi, Meena, ito si Ryyfa. Siya yung anak ni tita Rozie na kadarating lang dito sa lugar natin. Kapatid din siya ni Rica. (habang pinapakilala si Ryyfa sa dalawang nakababatang kapatid)

Ryyfa: Hello! (sabay ngiti)

Meena: Hi! (sabay ngiti at tumuloy na ulit sa paglalaro sa kanyang PSP)

Boi: Hi! (ngumiiti ng bahagya sabay banat ng…) You look like my future girlfriend!

*Medyo natawa naman sila. Napangiti ang bwisita ay este bisitang si Ryyfa.

***

Ikaw ba ay isang malanding guy? O may kilala kang tulad nila?
Naranasan mo na bang mahalin ang kagaya nila?
Nasubukan mo na bang magmahal ng lalaking malandi?
Yung tipong may mahal na pero lumalandi pa rin sa iba.
May mahal na pero nag-eentertain pa rin ng iba.
ABNORMAL di ba? Iisipin mo.. TAO BA SIYA?
Kasi kung “oo” dapat nagpapakatao din siya, di ba?
Dapat umaasal siyang tao hindi hayop.
Hindi naman siya aso o pusa na kapag kinakati eh
papatulan na lang ang kahit sinong kapwa nila aso o pusa na makita.
Magtataka ka.. May babae ba sa pamilya nila?
Marunong ba siyang rumespeto sa ate o mga ate niya?
May nanay ba siya?
Hindi ba siya tinuruan ng nanay niya na galangin ang mga babae?

–KinukutQuote–
“Don’t think that you are somehow going to magically change as you get older. If you have poor character as a young man, you’ll probably have poor character as a grown man”.
From www.bhaybeebhoo.i.ph, What Kind of Man Are You?

***
Paano mo gagalangin ang isang babae o isang tao kung siya mismo ay hindi mukhang kagalang-galang na nilalang?
Paano mo gagalangin ang taong kung manamit eh napakahalay?
Paano mo gagalangin ang mga taong base sa mga aksyon ay hindi naman dapat igalang?

Unang-una. Taong hindi mukhang kagalang-galang? Di ba ang kagandahan ng isang bagay o nilalang ay depende sa taong nakatingin dito. Kung sa Ingles ay “Beauty is in the eye of the beholder”. Sa tingin ko ay ganun din sa pagiging mukhang kagalang-galang. Tinitignan mo ba ang baso na kalahating walang laman o kalahating may laman? (maraming beses na itong naitanong, siguro naitanong na din sa inyo to ng mga guro o prof niyo, pero naisip niyo ba kung ano ang mga salita sa likod nito?) Ano ba ang mas gusto mong tignan o pagtuunan ng pansin? Ang mga masasayang at magagandang pangyayari o ang mga malulungkot, masasaklap at di kanais-nais na naganap sa mundo at sa buhay mo? Ano ba ang mas gusto mong napapansin sa iyo ng isang tao? Ang mga kabutihang nagawa mo at nagagawa mo o ang mga kapalpakan mo? Ikaw? Mas napapansin mo ba ang mga kabutihang nagawa sa iyo ng isang tao o ang mga kamaliang nagawa niya sa iyo? Hindi ba mas sumasaya tayo kapag binabalikan natin ang masasayang ala-ala kaysa sa mga hindi kaaya-aya sa ating nakaraan? Hindi ba mas maganda kung mas pagtutuunan natin ng pansin ang mga bagay na makapagpapasaya at magpapagaan ng ating kalooban kaysa doon sa mga bagay na magpapalungkot lang? Kung sa tingin mo ang isang tao ay hindi mukhang kagalang-galang, siya lang ba talaga ang may kasalanan kung bakit siya nagmumukhang ganon o depende rin sa pananaw nung nakakakita sa kanya? May sarili tayong utak. May sarili tayong mga mata. Nasa sa atin kung ano ang mas gusto nating makita. Mabuti siya o masama. Depende na sa atin iyon.

Pangalawa. Napakahalay kung manamit? Hmmmm… Saan nga ba nagmula ang salitang “mahalay” o “napakahalay”? Sino, kanino o saan nagsimula ang mga salitang ito? Paano nga ba natin nasasabing mukhang mahalay ang suot na damit ng isang tao? Paano nga ba natin masasabi na mukhang mahalay ang isang tao? Sabihin na nating mukhang nagkulang sa tela ang suot niyang damit. Tulad ng madalas nating narirnig– “Kita na kaluluwa niya!” Halos kalahati ng kanyang dibdib ay nakaluwa na. Napaka ikli ng damit niya. Ayan. Siguro para sa lipunang ito ay sapat nang basehan ang mga yan para masabing mahalay ang pananamit ng isang tao. Pinalaki kasi tayong manamit ng ‘maayos’. Ano ba ang maayos na pananamit? Yun ay ang mga damit na matatakpan ang buong dibdib. Mga damit na hindi makikita ang tuhod. Yun hanggang talampakan ang haba ng tela para matakpan ang buong katawan? Yun ba? Yun ang mga maaayos na damit dahil yun ang nakasanayan na. Paano pala kung hindi yun ang nakasanayang damit? Paano kung ang nakasanayan natin suotin ay ang mga damit na sinasabing napakahalay? Posible bang ang tawag dun sa mga damit na tinatawag nating “maayos” ay “napakahalay” at yun namang “napakahalay” na mga damit ay ang mga “maaayos” na damit ngayon? (baliktad na ang mundo hehe). Bakit ba naaakit ang karamihan sa mga kalalakihan sa mga babaeng magaganda ang hubog ng katawan, may tamang laki ng dibdib at maganda ang hubog ng pwet? Ito ba ay dahil wala silang mga ganoon (o sadyang manyak lang ang karamihan sa kanila ahaha)? Bakit nga ba natu-turn on ang karamihan sa mga kalalakihan pag nakakakita ng mga babaeng nakasuot ng mini skirt o mababa ang cleavage? Sino bang nagturo sa kanila na maturn on pag nakakakita ng mga babaeng sexy? Kanino o saan ba nila nalaman na dapat ma-turn on pag nakakakita ng ganon? Yun taong nagsusuot nga ba ang mukhang mahalay o yung isipan nung taong tumitingin?

“^_^:: Go! Sige, suotin mo ang kahit anong gusto mong suotin! Mag-bikini ka sa simbahan at mag-bistida ka sa beach.”

“*_?:: Ano ba yan? Napakahalay naman ng taong yan? Tignan mo oh!”

“•_•:: Naku! Anak! Huwag kayong tutulad diyan sa babaeng yan ah! Huwag kayong magsusuot ng ganyan ah! Dyuskupu! Ano bang nangyayari sa mundong ito?”

Hindi ko sinasabing magpaka-abnormal ka sa mata ng mundong ito at huwag mong suotin ang mga damit na normal at nakasanayan na dito sa planeta ng Earth. Ang sinasabi ko lang eh walang pakialamanan. Kung yun ang suot ng isang tao, ano bang paki mo? Tatay ka ba niya? Nanay ka ba niya? Aso ka ba niya? Alikabok ka ba sa sahig ng bahay niya? Kung nakita mo na ganon siya magsuot at sa tingin mo ay nakakahiya pero hindi naman kayo close o hindi talaga kayo magkakilala, huwag ka nang magcomment. “Ui alam mo ba si ganon?.. grabeh! naku! hai! yung suot niyang kwan nakita mo? parang kita yung ano! naku talaga!” Tumahimik ka na lang kung wala ka rin namang magandang masasabi. Minsan mas mabuting manahimik kaysa makasakit ng damdamin (minsan lang yun ah). Sharp words cut deeper than sharp knives (mas malala pa ang tetano). Tulad ng laging sinasabi sa akin ng beloved ama ko; makapitong beses mo muna isipin ang isang bagay bago mo ito sabihin o gawin. It doesn’t really mean that we have to think of it seven times. It just means that we have to be very careful and discerning in every word that we say and every little thing that we do.

Pangatlo. Paano mo gagalangin ang isang taong base sa aksyon eh hindi naman dapat igalang? Tulad ng nabanggit ko na sa itaas, depende sa iyo yon. Kung sadyang magalang kang nilalang kahit sino pa ang nasa harapan mo, kahit ano pang pinaggagagawa niya sa buhay niya o kahit ano pang itsura niya, kahit mukha pa siyang pwet na kagagaling lang sa banyo o mukhang pigsa na tinubuan ng mukha at kahit ano pang suot nito ay gagalangin mo.

Kung iispin natin, ang halos lahat sa mundo ay umiikot lang sa pag-iisip natin o sa kung paano tayo mag-isip. Ang mabuti at masama. Ang maganda at di maganda. Lahat depende sa sarili nating pananaw at depende sa kung anong nakasanayan na. Iba-iba ang pag-iisip ng mga tao sa mundo. Ang mga bagay na maganda sa paningin natin ay maaaring hindi maganda para sa iba at ang mga bagay naman na hindi kaaya-aya sa atin ay maaaring sobrang kaaya-aya para sa iba.

***

Minsan naman yung taong hindi mo pinapakitaan ng paggalang ay ang taong dati ay sabihin natin hindi ka tinuring ng maayos. Pwedeng halimbawa ang dating kasintahan na niloko ka at pagkatapos ng ilang buwan o taon ay nagparamdam bigla, humingi ng tawad at sinabi sayong mahal na mahal ka talaga niya at gagawin ang lahat upang mapatawad mo lang siya at para mahalin mo siya ulit. Ngayon, meron ka nang pagkakataon para iparamdam sa kanya ang sakit na ginawa niya sayo at sa buhay mo. Pwedeng makipagbalikan ka. Lokohin rin siya at saktan higit pa sa sakit na ginawa niya sayo at sa buhay mo. (hindi ako nag susuggest example lang yan ah.. pero ikaw bahala ahaha)

Maaari rin na ang isang tao ay galit sa hindi niya kaparehong kasarian. Isang babaeng galit sa lahat ng lalaki kaya parang gusto niyang parusahan lahat ng lalaki sa mundo o isang lalaking galit sa lahat ng babae kaya kung ituring niya ang mga babae ay parang laruan lamang. Ang dahilan? May nakasakit sa kanila na miyembro ng kasalungat na kasarian. Maaaring yung babae niloko at iniwan ng kasintahan niyang lalaki o asawa niya o di kaya ay noong bata pa siya ay iniwan ng kanyang ama ang kanyang ina para sa ibang babae. Yung lalaki naman ay maaaring ganun din. Niloko at iniwan ng kasintahan niyang babae o ng asawa niya o ang kanyang ina ay iniwan ang kanyang ama para sa ibang lalaki. (alam niyo na yon mga ganung tema. tinatamad na ako mag explain eh)

Meron pang isang sitwasyon na kung saan at madalas yung mga babaeng biktima ng mga babaero (womanizer, player, two-timer, three-timer, four-timer, five-timer and so on) ay nagiging ganun na din (nagiging player at two-timer na rin).

Isipin mo.. Anong mapapala mo pag gumanti ka?

Oh sige. Nandyan na tayo. Maaaring gumaan ang iyong pakiramdam. Napadama mo sa kanya ang sakit na noon ay naranasan mo ng dahil sa kanya. (Very satisfying! Right? He/she deserves the pain. hehe) Pero panandalian lang yang saya na yan. Maniwala ka sa mga susunod na araw, buwan o taon ay may dadalaw na hangin ng pagsisisi sayo.

Pag bad ba sayo ang isang tao, kailangan bad ka na rin sa kanya?

Pag gumanti ka sa taong nakasakit sayo, di ba parang tumulad ka na rin sa kanya? Dahil nanakit ka ng isang tao tulad ng ginawa niya sayo. (You didn’t like or perhaps you even hated what he/she have done to you but still you did it. Try to think of it!)

***

Meena: (mababa ang boses at bahagyang nananakot na parang nang-aasar na nagbabanta na ewan) Kuya Boi.. Lagot ka.. Susumbong kita kay Daniela! (si Daniela nga pala ay ang gf ni Boi)

Boi: Oi.. Joke lang yun.

Meena: (habang bahagyang napapangiti na medyo natatawa) Hindi… Lagot ka talaga!

*Ding dong! May biglang nag-doorbell. Binuksan ni Boi ang gate.

Boi: Oh kayo pala! Pasok!

*Pumasok ang dalawang babaeng bisita.

Boi: Magkasama pala kayo..

Daniela: Yup! Tinawagan niya kasi ako eh. Nagpapasama. Punta daw dun sa may malapit sa market. Bumili siya ng mga trip niyang bilhin.

Kaibigan ni Boi at Daniela: (pinakita ang mga binili) Eto oh!

*Nang nasa loob na sila..

Daniela: (bahagyang nailang dahil may bisita at nakadama ng kaunting tampo.. napaisip “ahh kaya siguro di siya nakapunta kanina sa bahay”) Hi Ate Rhina! (sabay ngiti)

Rhina: Hello! (ngumiti ng bahagya) Saan na naman kayo gumala?

Daniela at Kaibigan niya: (sabay na sumagot) Sa may market lang..

Rhina: Sakto ah! Hehe. Kakaluto lang ni Lola ng ginatan.

*Napangiti si Daniela at ang kaibigan nila ni Boi.

Daniela: Hehe. (pabirong sinasabi..) Sakto pala! Buti na lang nagpunta kami dito. Hehe!

Boi: Gumala pala kayo.. Sayang! Sana tinawagan niyo ako para nasamahan ko kayo..

Daniela:  Akala ko kasi busy ka eh. Okay lang yun.. nakakahiya naman sa bisita niyo kung umalis ka, di ba?!

Boi: Hindi.. okay lang yan.. Ipagpapalit ko ba yung oras para makasama ka? (bumulong sa kanyang utak– “Yare! Iba yung tono ng pananalita niya..”)

Daniela: (napangiti na lang)

Meena: (nang-aasar ang tono ng boses habang pinapatamaan ang kuya niya at habang nakangiti na nakakaasar rin) Daniela alam mo ba.. si Kuya Boi.. kanina?

Daniela: (napatingin lang kay Meena at medyo napangiti na rin dahil nakitang nakangiti si Meena)

Boi: (nakakunot ang noo) Ano?..

Meena: Hehe.. Ano nga ulit yun kuya? (medyo hininaan ang boses at sinabing..) ..You look like my future girlfriend.

Daniela: (na-gets agad ang sinabi ni Meena lalo na at babae ang bisita nila Meena.. napangiti na lamang sabay tumawa ng kaunti)

*Idinaan na lamang ni Daniela sa kanyang pag-ngiti at pagtawa ang kanyang nararamdamang inis. Pero malay natin kung anong mangyayari kung sila na lang dalawa ni Boi ang magkausap. ahaha.. nangangamoy lq ito.. Yaring-yare! hehe

Boi: Mahal, wala yun ah! It was just a joke. (sa kanyang isip.. “PAKTAY! Yare! Lagot na naman!“)

* ayan kasi.. ang landi eh.. ahahaha